RUS
Sports.kz-тың мәліметінше, Қытайдың Чэнду қаласында өтіп жатқан 2023 жылғы Универсиадада Милад Карими еліміздің қоржынын 15-медальмен толықтырды. Ерлер арасында өткен спорттық гимнастиканың еркін жаттығу түрінен өнер көрсеткен спортшымыз күміс жүлдеге ие болды.
Милад 14.300 нәтижесімен кореялық Рю Сонхёнды (13.900) басып озып, ақтық мәреде тек жапон спортшысы Кае Кадзумеге (14.333) жол берді.
Еске сала кетсек, 15 жасында ұлттық құраманың мүшесі болған Милад Карими түрлі халықаралық турнирлерде өнер көрсете бастады. 2019 жылы Германияның Штутгарт қаласында өткен әлем чемпионатында ақтық мәреде бақ сынаса, 2020 жылы Аустралияның Мельбурн қаласында өткен әлем кубогінде күміс жүлдеге қол жеткізген болатын.
Спортшымыздың басты мақсаты - олимпиада ойындарының жеңімпазы атану.