RUS
Тимур Балымбетовке берген сұқбатында Данияр Құлымша өнер жолындағы ауыр кезеңдердің бірі туралы сырын ақтара келіп, мұрнына жасалған отаға қатысты тоқталып өтті.
— Демалысқа шыққан уақытта мұрныма ота жасаттым. 25 жасыма дейін менде мұрын қалқаны қисық болды, - дейді Данияр Құлымша.
Десе де, Bala-ның айтуынша, ота пластикалық сипатта емес.
— Жоқ, бұл менің кішкентай күнімнен үлкен арманым болған. Өйткені менің мұрнымда мұрын қалқаны қисық болғандықтан тыныс алуға, ән айтуға кедергі келтіретін. Сол ота сәтті өтті. Уақыт өтті, емделдім, - дейді Bala.
Сондай-ақ Данияр қазір өзін жеңіл сезінетінін, бұрынғыдай тыныс алуында ауыртпашылық жоғын жеткізді. Әнші айтуынша, бала кезіндегі төбелестің нәтижесі осы мұрын отасына әкеп соққан.