Каспийде сапбордпен ашық теңізге шығып кеткен жасөспірімдер құтқарылды
Каспий жағалауында демалып жүрген жасөспірімдер қауіптен аман қалды. Бұл туралы smartnews.kz сайты хабарлайды.
2023 жылғы 5 тамызда Ақтау қаласында "БРИЗ" Яхт-клубы ауданында жедел-құтқару жасағының құтқарушылары 2003, 2005, 2004, 2005 жылы туған 2 жігіт пен 2 қызды құтқарды.
Сапбордта демалу кезінде жас жігіттер қатты желдің салдарынан ашық теңізге кетіп қалған. Нәтижесінде олар өздігінен жағаға шыға алмаған.
Сондай-ақ, сол күні сағат 14:10-да. облыстың мобильді құтқару бекетінде жедел-құтқару жасағының құтқарушылары 2006 жылы туған азаматты құтқарған. Ол шомылуға жабдықталмаған жерде шомылып, жағаға шыға алмаған.
- Медициналық көмек қажет болмады. Құтқару операциясынан кейін құтқарушылар олармен түсіндірме жұмыстарын жүргізді, - деп Маңғыстау облысының Төтенше жағдайлар департаменті азаматтарды судағы қауіпсіздік ережелерін сақтауға шақырды.