RUS
5 тамыз күні сағат 16.26-да 101 нөміріне Жетісу ауданы Есенов көшесі 55 мекенжайындағы куәгерлерден өрт туралы бірнеше қоңырау түсе бастаған.
ТЖД күштері мен құралдары дереу жоғары дәрежедегі шақырту бойынша өрт орнына барды.
Сағат 16:33-да оқиға орнына келген сәтте, "Pana Inn" қонақ үйінің 3 қабатты ғимаратының үй-жайларының бірінде жиһаз жанып, үй-жайларында улы түтін пайда болған.
Барлау жұмысы және өртті сөндіру барысында газ-түтіннен қорғау қызметінің буындары терезелерге үш иінді баспалдақтарын орнату арқылы екінші қабаттан 4 адам эвакуациялап, екінші және үшінші қабаттардан 3 адам құтқарылған.
Олардың бірін өрт сөндірушілер қонақ үйдің үшінші қабатынан құтқарды: ол үрейге берілмей кондиционері орантылған терезенің жанында құтқарушылардың көмегін беймарал күтіп отырған.
Өрт сағат 16.41-де толық сөндірілген. Қабылданған шаралармен өрттің таралуына қонақ үйдің шатырына, дәлізге және көршілес нөмірлерге өрт тарамаған.
- Зардап шеккендер жоқ, өрттің себебі анықталып жатыр. Оқиға орнында Алматы қаласы ТЖД мен өзара іс-қимыл қызметтері, сондай ақ 25 өрт сөндіруші және 7 бірлік техникасы жұмылдырылды, - дейді ТЖМ-нің Өртке қарсы қызмет комитетінің баспасөз қызметі.