RUS
Yk-news.kz сайтының мәліметінше, Риддер қаласының тұрғыны Татьяна Морозова облыс әкімінің артынан велосипедпен ерген. Жергілікті тұрғын Морозова Үшінші ықшам ауданнан велосипед арқылы қала орталығына келіп, Ермек Көшербаевқа көкейіндегі сұрақтарын қойған.
Татьянаның сөзінше, ол аймақ басшысын жылу желілерін жөндеу жұмыстарының барысымен танысуға келген кезде байқаған. Татьяна әкімге түйткілді мәселесін айтпақ болған, бірақ кортеж жылдам кетіп қалған. Сондықтан Риддер тұрғыны әкімді велосипедпен қуып жетпекші болған. Солай велосипедші әкімді қуып жетіп, қаладағы автобустар мәселесі туралы сұрағын қойған.
- Автобустардың жүруі өте нашар, сондықтан біз велосипедке көштік. Автобустардың жөнді жүретін кезі бола ма өзі, жоқ па?, — деп велосипедші әйел әкімнен сұраған.
Облыс әкімі тұрғынға өз сауалын қала басшысына қоюға кеңес берді.
- Шешілуі керек мәселелер көп. Тағы қайталап айтқаныңыз дұрыс болды. Бұл қалаға жаңа әкім келді, соған жүгініңіз. Бұл мәселені сол әкім шешіп береді. Тасымалдаушыларға субсидия бөлінбеген шығар, олар шығындалса, жұмыс істей алмайды. Қарастырамыз. Мемлекет тасымалдаумен айналыса алмайды. Жеке кәсіпкер өз автобустарымен келеді. Конкурсты жеңіп, шығындардың бір бөлігін өзі мойнына алады, ал қалғаны бюджеттен өтеледі", — деп жауап берді аймақ басшысы әйелге.
Сондай-ақ Yk-news басылымының айтуынша, Татьяна Морозова қымбат баға мен қаладағы ауызсу орындарының көптігі туралы сұраған. Әйел сол ауызсу беретін қоғамдық жерлердің орнына балалар дәмханасын ашқан дұрыс болады деп санайды.