RUS
Түркиядағы Star басылымының берген ақпаратына сәйкес, оппозициялық халықтық-республикалық партияның жетекшісі, президенттікке бұрынғы кандидат Кемал Қылышдароғлының кортежінде 7 көліктің қатысуымен үлкен жол апаты болған.
Сондай-ақ, жол апатына журналистер мінген шағын автобус та түскен. Оқиғаның салдарынан екі адам, оның ішінде біреуі БАҚ өкілі зардап шеккен. Әзірге оқиғаның мән-жайы белгісіз.
Еске сала кетсек, өткен сайлауда оппозицияның ортақ кандидаты Кемал Қылышдароғлы 48 пайызға жуық дауыс алған. Анкарада сөйлеген Кемал Қылышдароғлы "бұл сайлау Түркия тарихындағы ең әділетсіз сайлау болды" деп мәлімдеп, демократия жолында күресе беретінін айтқан. Артынша Режеп Тайып Ердоған президенттік сайлаудағы басты қарсыласы Кемаль Қылышдароғлудың үстінен сотқа 28 талап арыз түсірді. Егер Ердоғанның талабы қанағаттандырылса, қарсыласы 110 жылға бас бостандығынан айырылуы мүмкін екені айтылды.