RUS
«Қазіргі кезде Қазақстан Республикасының аумағында фильмдерді жүйеге келтіру және есепке алу мақсатында уәкілетті орган Фильмдер мониторингінің бірыңғай автоматтандырылған ақпараттық жүйесін дайындады. Ол пилот режимде іске қосылды. Жыл соңына дейін Ақпараттық жүйені толық енгізу жоспарланған», - делінген Мәдениет және спорт министрлігінің «ҚазАқпарат» агенттігіне берген жауабында.
Атап айтқанда, биыл Ұлттық құрылтайда Президент Қасым-Жомарт Тоқаев отандық киноның дамуына жаңаша көзқарас, тың серпін керек екенін айтты. Бұл тұрғыда киноға барған көрермен санын есептейтін цифрлық жүйе енгізуді тапсырды.
Мемлекет басшысы құны мен мазмұны арзан фильмдер шығып жатқанын сынға алған еді.