RUS
Индустрия және инфрақұрылымдық даму министрлігі мұнай өңдеу зауыттарынан жанармай жеткізуге байланысты барлық өтініш 100% қамтамасыз етіліп келеді деп мәлімдеді. Бұған дейін елде АИ-95 жетіспеушілігі болуы мүмкін деген мәселе қаралған еді.
Ведомствоның ақпаратынша, қазір Қазақстандағы магистральді автожолдар арқылы бензин тиелген 1 047 цистерна өңірлерге жеткізіліп жатыр. Олардың ішінде АИ-95 маркалы жағармайы бар цистернаның саны - 341.
— Жоспар бойынша тамызда ішкі нарыққа АИ-95 маркілі бензиннің 369,7 мың тоннасы жеткізіледі. Тамыз айының алғашқы 7 күнінде оның 102,6 мың тоннасы немесе айлық жоспардың 27% тасымалданды, - дейді министрлік өкілдері.
Сондай-ақ бұл ретте биылғы тамыздың басында бензин құю жоспары келесідей болғанын айта кеткен:
- Атырау МӨЗ бойынша - 125 цистерна, оның ішінде 21 цистерна АИ-95 бензині;
- Шымкент МӨЗ бойынша - 102 цистерна, оның ішінде бірде-бір АИ-95 вагоны қарастырылмаған;
- Павлодар МӨЗ бойынша - 80 цистерна, оның ішінде барлығы 20 цистернада АИ-95 бензині бар.