RUS
Мемлекет басшысы Павлодар облысына жұмыс сапарымен барып, Екібастұздағы жылу электр орталығында жүргізіліп жатқан жөндеу жұмыстарымен танысты.
«Бұл жұмыс бақылауымызда болады. Бұл – өте маңызды жұмыс. Олқылықтар болса, тиісті шешімдер қабылдаймыз. Былтыр қыста болған жағдай қайталанбауы керек. Азаматтарымыз шыдамдылық, сабырлық танытып отыр. Бірақ оның да шегі бар. Сондықтан әкімдерге осындай тапсырма берілді. Тиісті қаражат бөлініп жатыр. Жоспарлардың бәрін міндетті түрде іске асыру керек», – дейді Қасым-Жомарт Тоқаев.
Еске сала кетсек, қыста жылу электр орталығының жұмыс сапасының нашарлығынан қала тұтас мұз құрсауында қатып қалған еді.