15 жыл бойы іздеуде болған күдікті Астанадан ұсталды
Полиция қызметкерлері 15 жыл бойы мемлекетаралық іздеуде болған 37 жастағы Қырғызстан Республикасының азаматын ұстады. Бұл туралы smartnews.kz сайты хабарлайды.
ІІМ Telegram арнасының берген мәліметіне сәйкес, 2008 жылдың қазан айында ер адам сенімге кіре отырып, ұялы телефондарды иемденгені анықталған. Осылайша 2010 жылы Бішкектің Свердлов аудандық ішкі істер басқармасы қаскүнемді мемлекетаралық іздеуге жариялаған.
Қазіргі уақытта ер адам Астана қаласы полиция департаментінің уақытша ұстау изоляторына қамалды.
Ведомствоның хабарынша, күдіктіні Қырғызстанға экстрадициялау мәселесі шешіліп жатыр.