Қызылорда-Жалағаш тасжолында 2 адам мерт болды
Жол апатының салдарынан Қызылорда-Жалағаш тасжолында кісі өлімі болды. Бұл туралы smartnews.kz сайты хабарлайды.
12 тамыз күні түнгі сағат 03:00 шамасында Қызылорда-Жалағаш тасжолында Жалағаш ауданы Ақсу ауылының тұсында Toyota автокөлігінің жүргізушісі басқару жүйесіне ие бола алмай, жол апаты болды.
Жол апаты салдарынан 2 жолаушы көз жұмып, жүргізушімен қоса қалған бес адам түрлі жарақаттар алды.
ІІМ Telegram арнасының мәліметінше, ҚР ҚК 345-бабының 4-бөлігімен сотқа дейінгі тергеп-тексеру әрекеттері жүргізіліп жатыр. Тиісті сараптамалар тағайындалған. Қазірде оқиғаның мән-жайы анықталып жатыр.