Қазақстандық азамат Оңтүстік Кореядағы автобус жүргізушісіне пышақпен шабуылдаған

Insight.co.kr басылымының дерегіне сүйенсек, оқиға Кенбу қаласындағы автомагистральде болған.

50 жастағы қазақстандық әйел 10 тамызда Сеулдегі Сеочо полиция учаскесіне шабуыл жасады деген күдікпен жеткізілген. 

Полиция мәліметінше, қазақстандық әйел туристік автобустың терезе тазалағышын сындырмақ болған. Автобус Ханнам көпірі арқылы Кенбуден Сеочуге жол тартқан. 

Әйелді тоқтату үшін жүргізуші автобустан шыққанда әйел пышақпен шабуыл жасап қашып кеткен. Бірақ 11 минуттан соң әйел ұсталған. 

Қазіргі уақытта полиция әйелдің мұндай әрекетке не себепті барғанын анықтап жатыр. Әзірге Қазақстанның СІМ мен Оңтүстік Корея елшілігі болған жайтқа қатысты ресми мәлімдеме жасай қоймады.

Еске салайық, бұған дейін Кореяның Инчхон әуежайынан қашып кеткен екі Қазақстан азаматына 1 миллион теңге айыппұл салынып, елге қайтаратын болған еді.