RUS
2023 жылғы 13 тамызда түнгі сағат 1.15-те ТЖМ Республикалық жедел-құтқару жасағының жедел тобы туристі іздеуге тауға шыққан. 2005 жылы туған жас жігіт 12 тамызда таңертең Көк Жайлау шатқалына кетіп қалған. Әрі оның телефоны өшірулі болған.
Құтқарушылар тауда жоғалған адамды түнгі сағат үште тапты. Қатты жауған жаңбыр мен қараңғы түсуіне байланысты турист шатқалдан өздігінен түсе алмаған.
Сағат 5.20-да құтқарушылар жасөспірімді аман-есен туыстарына жеткізген.
- ТЖМ құтқарушылары еске салады: тауға шықпас бұрын бағытыңызды, ауа-райын зерттеңіздер, туыстарыңызға немесе таныстарыңызға өздеріңіздің бағытыңыз және қалаға оралу уақытын айтып кеткен жөн. Сонымен қатар, міндетті түрде өзіңізбен су өткізбейтін пакетте сіріңке мен зарядталған пауэрбанк алып жүріңіздер, - делінген ҚР ТЖМ Республикалық жедел-құтқару жасағының баспасөз қызметінің хабарламасында.