RUS
Жолға шығып кеткен баланы көлік қағып кете жаздаған. Оны көрген көлік жүргізушілері баланың жанына тоқтаған. Баланың жеке меншік балабақшаның тәрбиеленушісі екені белгілі болған. Оны жолдың бойынан тауып алған көлік жүргізушісі балабақшадағы балаларды дұрыс қарамайтынына ашулы.
Куәгерлердің бірінің айтуынша, дәл сол балабақшада мұндай жағдай бірнеше рет қайталанып отыратын көрінеді.
“Баланы машина қағып кетсе, не болар еді? Кім жауапкершілік алады? Баланың жол бойында тұрғанының өзі - мүлде дұрыс емес! Тіпті басыма да кіріп-шықпайды, қалайша күтушілер мен тәрбиешілер баланың кетіп қалғанын байқамай қалуы мүмкін. Өзім де әкемін. Әрі мұндай жағдайды мен қабылдай алмаймын дейді" - дейді жүргізуші ер адам.
Қарағанды қаласы білім бөлімінің бейресми дереккөздері бүлдіршіннің жекеменшік балабақшаның тәрбиеленушісі екенін растаған.
Сондай-ақ Қарағанды облысының білім басқармасының баспасөз қызметі жекеменшік балабақшалардың жұмысын қадағаламайтынын жеткізді.