RUS
Көрші мемлекет билігінде арнайы құрылған комиссия өкілдері 11 тамыздан бастап Бішкектегі барлық діни орындарды тексеріп жатыр. Бұл жөнінде Қырғызстан мұсылмандар діни басқармасы хабарлаған.
Басқарманың берген мәліметінше, діни мекемелердің құжаттарымен бірге діни сауат ашушыларға қолданылып жүрген оқу бағдарламалары, санитарлық және өрт қауіпсіздігі ережелерін сақтау шаралары тексерілмек.
Сондай-ақ басқарманың хабарлауынша, тексеріске дайындалмаған мекеме басшыларына тиісті шара қолданылады.
- Бұған дейін Қырғызстанның ұлттық қауіпсіздігі жөніндегі мемлекеттік комитеті Ош облысында ведомствоаралық топ 39 мешіт және 21 оқу орнының қызметін тоқтатқанын хабарлаған. 48 мешіт пен 40 діни оқу орнына ұйғарым берілген. Жалалабад облысында заңсыз істеген 60 мешіт анықталған, - делінген Азаттық радиосының көрсеткен ақпаратында.