RUS
12 тамыз күні Ескелді ауданының тау етегіндегі елді мекендерін су шайып өтті. Селдің кесірінен зардап шеккен тұрғындарға төтенше жағдайлар департаментінің құтқарушыларымен бірге, ІІМ Ұлттық ұланының әскери қызметшілері де белсенді түрде көмек көрсеткен.
Құтқару жұмыстарына Ұлттық ұланның 5514 әскери бөлімі командирінің міндетін уақытша атқарушы Рүстем Сайдуов 70 әскери қызметшіден тұратын жедел әскери резервтің құтқару жасағы, сондай-ақ бес әскери техника бөлінген.
– Негізгі күш-жігер төтенше жағдай орын алған ауданда авариялық-құтқару жұмыстарын жүзеге асыруға жұмылдырылған. Жергілікті атқарушы органдармен бірлесіп, тұрғындарды эвакуациялау ұйымдастырылды, – дейді бөлім командирінің орынбасары Архат Жұмаділов.
Ведомствоның хабарынша, Ұландық жауынгерлер Ешкіөлмес және Абай ауылдарындағы көшелер мен аулаларды топырақ пен құм салынған қаптармен күшейтті, сонымен қатар су басқан тұрғын үй аумақтарын және жолдарды ағын сумен келген лай, батпақтан тазартқан.