RUS
«Мемлекет басшысының тапсырмасы бойынша 1 қыркүйектен бастап балабақшаға баратын аз қамтылған отбасылардан шыққан 97 мыңнан астам бала тегін тамақпен қамтамасыз етіледі. Сондай-ақ, Мемлекет басшысы тәрбиешілердің еңбекақысын арттыруды тапсырған болатын. Биыл 1 қыркүйектен бастап тәрбиешілердің жалақысы 30% - ға көтеріледі. Бұдан басқа, мектепке дейінгі ұйымдарда орындардың бөлінуін ашық жүргізу үшін жыл соңына дейін «Балаларды кезекке қоюды есепке алудың бірыңғай базасы» әзірленуде. Оны толықтай іске қосу жылдың соңына дейін жоспарланып отыр», - деді министр.
Еліміздегі барлық мектептерде бастауыш сынып оқушыларына тегін ыстық тамақ беріледі. Бұл туралы Оқу-ағарту министрі Ғани Бейсембаев мәлімдеді.
«Президенттің 1-4 сынып оқушыларын тегін тамақпен қамтамасыз етуге қатысты тапсырмасын орындау мәселесі Үкімет деңгейінде бірнеше рет қаралды. Бүгінгі күні осы тапсырманы орындау үшін барлық өңірлердің әкімдіктері тарапынан қажетті қаржы бөлінді. 1 қыркүйектен бастап 1 млн 400 мың бастауыш сынып оқушысы тегін тамақтанады. Асханасы жоқ мектептерде Денсаулық сақтау министрлігімен бірлесіп тамақтандыру 3 тәсілімен ұйымдастырылатын болады: кейтеринг қызметін ұйымдастыру, модулді асханаларды құру, буфеттік тамақтану», - деді министр.
Биыл колледждерге 133 мың грант бөлінді. Бұл туралы Оқу-ағарту министрі Ғани Бейсембаев мәлімдеді.
«Мемлекет басшысының тапсырмасы бойынша техникалық және кәсіптік білім беруге мемлекеттік тапсырысты ұлғайту жұмыстары белсенді жүргізілуде. Бүгінгі таңда 133 мың грант бөлінді. Оның 60% техникалық мамандықтарға бағытталды», - деді министр.
Колледж студенттерінің стипендиясы өседі. Бұл туралы Оқу-ағарту министрі Ғани Бейсембаев мәлімдеді.
«Мемлекет басшысының тапсырмасы бойынша 1 қыркүйектен бастап колледж студенттерінің стипендиясы өткен жылғы деңгейінен 50%-ға артады», деді министр.