RUS
Олар нарықтағы бағалы қағаздары 4,6 миллиард долларды құрайтын Freedom Holding-ті санкциялардан жалтарды, шын мәніндегі кірісін бұрмалады, нарықта манипуляция жасады айыптаған.
Мұндай айыптауға зерттеу нәтижелері жарияланбай тұрып, компания өзінің соңғы жылдық есебінде «OFAC, Еуропалық Одақ, Ұлыбритания енгізген санкциялармен қамтылған белгілі бір адамдар мен ұйымдарға брокерлік қызмет көрсететінін» мойындағаны себеп болған.
Оның үстіне Hindenburg Research сарапшылары компания Ресей нарығынан кетпеген және оны Тимур Турлов әлі күнге дейін жасырын түрде басқарып отыр деп есептейді. Себебі компанияның Ресейдегі бөлігін оның жақын досы сатып алған-мыс. Сондай-ақ олар Freedom Holding табысының жыл сайын өсуіне күмәнмен қарайды.
Біз түсініктеме алу үшін Freedom Holding Corp компаниясына хабарластық.
Бұған жауап ретінде компания ешқандай санкция талаптарын бұзбағанын хабарлады.
«Холдингтің жылдық есебі АҚШ-тың Бағалы қағаздар жөніндегі комиссиясының (ӘКК) сайтында жарияланды. Аудитті Deloitte үлкен төрттік компаниясы жүргізді. Кірістер, баланстар және клиенттер толығымен расталған. Барлық байланысты тараптармен қарым-қатынас талданып, егжей-тегжейлі ашылды», - делінген хабарламада.