RUS
Жетісу облысының прокуратурасының дерегінше, 9 балалар лагерінің қызметіне тексеру жүргізілген, ал олардың жағдайы заң талаптарына мүлде сәйкес келмеген.
Мысалы, Көксу ауданындағы «Қарлығаш» лагерінде санитарлық-эпидемиологиялық нормаларға қайшы, балаларға арналған азық-түлік ветеринариялық-санитарлық сараптама және қауіпсіздік сертификаттарынсыз сатып алынған.
Балаларға арналған күнделікті тамақтану нормалары сақталмаған. Ас мәзірінде жаңа піскен көкөністерден жасалған тағамдар қарастырылмаған.
Лагерьлердің барлығында дерлік өрт қауіпсіздігі нормалары сақталмаған.
Алғашқы өрт сөндіру құралдары - өрт сөндіргіштер мен өрт гидранттары жоқ, өрт кезінде эвакуациялық жолдардың кедергісіз шығуы қамтамасыз етілмеген.
Кейбір лагерьлерде мерзімі өткен дәрі-дәрмектер сақталған.
Балалардың лагерьлерде тұруы мен бос уақытын өткізу жағдайы да техникалық нормалар мен қауіпсіздік талаптарына сәйкес келмеген.
Негізгі (ғимараттар, үйлер) және қосалқы (ас үй, жуынатын бөлмелер және т.б.) лагерь ғимараттары тозған, күрделі жөндеу көрмеген.
Алакөл ауданындағы «Шағала» лагерінде ойын-сауықтыру кешендері мүлдем жоқ боп шықты.
Сонымен қатар Текелі қаласындағы лагерьлердің бірінде «Параноидты шизофрения» диагнозымен есепте тұрған медицина қызметкері анықталған.
Ведомствоның хабарлауынша, тексеру іс-шаралары әлі де жалғасып жатыр. Барлық анықталған заңсыз жағдайлар бойынша прокурорлық қадағалау шаралары қабылданатын болады.