RUS
Космомониторинг дерегінше, биыл Ақтөбе қаласы мен Алға ауданының аумағында, сондай-ақ Мәртөк, Хромтау және Қарғалы аудандары аумақтарының бір бөлігінде 170-ке жуық стихиялық қоқыс үйіндісі анықталған.
«Таза аумақ дегеніміз тазалау жұмыстары жүргізілетін жер емес, қоқыс-қалдықтар тасталмайтын жер. Бұл - бәрімізге айғақ дүние. Тұрғындарға осыны жеткізе білу, кез-келген бұзушылыққа төзбеушілік мәдениетін қалыптастыру қажет. Түсіндіру жұмыстарын күшейтіп, сондай-ақ құқықбұзушыларды анықтау және жауапкершілікке тарту керек», - дейді облыс әкімі.
Деректер бойынша, 20 метр тереңдікте жатқан қоқыс метанының пайда болуына байланысты қалдықтар тұтанып, жанады. Қазір 42 гектар аумақты топырақпен көміліп жатыр.
Әкімдіктің хабарынша, ескі полигон аумағында ауданы 18 гектар жаңа полигон салынды, ол жақын арада пайдалануға берілмек.