RUS
Шымкент қаласы және Түркістан облысы бойынша ҚАЖ департаментіне қарасты ИЧ 56 қауіпсіздігі төмен мекемесінде жазасын өтеуші өтініші негізінде жуынуға және қажетті заттарды алуға тысқа шыққан. Алайда, ол мекемеге белгіленген уақытта қайта оралмаған.
Күндізгі уақытта жүргізілген жедел-іздестіру іс-шаралары барысында полиция қызметкерлері сотталушыны Жетісай ауданынан қолға түсірді.
Аталған факті бойынша Шымкент қалалық полиция басқармасы сотқа дейінгі тергеу амалдарын (ҚР ҚК 427-бабы «Бас бостандығынан айыру жазасын өтеуден жалтару») жүргізіп жатыр. Сонымен қатар, Қылмыстық-атқару жүйесінің Шымкент қаласы мен Түркістан облысы бойынша департаменті қызметтік тексеру жүргізді.
Ал«жазасын өтеуші қалай тысқа шығып кеткен деген сауалға?» Шымкент қаласы және Түркістан облысы бойынша ҚАЖ департаменті ресми түрде жауап берді.
«ҚР Қылмыстық-атқару кодексiнің 143-бап 6-бөлігі 4-тармағына сәйкес, қауіпсіздігі барынша төмен мекемелерде жазаны өтеу жағдайларында мекеме әкiмшiлiгiнiң рұқсатымен, eгep бұл бiрiншi кезекте қажетті заттарды сатып алу үшін қажет болса, мекемеге iргелес аумақтың шекарасы шегiнде айына бір рет сағат тоғыздан он сегізге дейін қадағалаусыз жүрiп-тұруға құқылы»-делінген ақпаратта.