RUS
«2021 жылдан бастап «Елорда жастары» тұрғын үй бағдарламасы іске қосылды. Бұл – жастардың тұрғын үй алуына жеңілдетілген несие беру бағдарламасы. Өткен жылы 200 жеңілдетілген несие бекітіліп, жастар оған ие болды. Биыл да 200 сертификат беріледі. Қазір іріктеу жұмысы жүріп жатыр. Тұрғын үй басқармасы өтініштерді тіркеді, біз өз тарапымыздан тағы бір қарап, оны «Отбасы банкіне» жібердік. Бүгінде банк өтінім иелерінің кредиттік жағдайын тексеріп жатыр», - Қайрат Қамбаров қалалық коммуникациялар қызметі алаңында өткен баспасөз мәслихатында.
Айта кетейік, елордада жастарды қолдау және қызмет көрсету орталықтары жұмыс істейді. Жастар ол жерден баспана, жұмысқа орналасу және басқа сұрақтарға жауап және кеңес алу мүмкіндігі бар.
Астанадағы жастарға қызмет көрсету орталықтарының мекенжайлары:
- Есіл ауданы – Қабанбай батыр, 58 б, 1 қабат;
- Байқоңыр ауданы – Алаш тас жолы, 34/5, 1 қабат;
- Сарыарқа ауданы – Бейбітшілік, 9, 2 қабат;
- Алматы ауданы – Абылай хан даңғылы, 31, 2 қабат.