RUS
Компанияның мәліметінше, "Әзірет Сұлтан мешіті" аялдамасында автобустардың тоқтауына кедергі келтіретін көліктер көп. CTS көліктік бақылау департаменті полиция департаментінің қызметкерлерімен бірлесіп, 15 тамыздан бастап рейд өткізіп жатқанын ескертті.
Белгілі болғандай, Тәуелсіздік даңғылында Ахмет Байтұрсынов көшесі бағытында орналасқан аялдамада басқа көлік құралдары үшін «аялдама, тұраққа тыйым салынады» жол белгісі бар. Оны елемей, көлік құралдарының жүргізушілері жеке және қызметтік көліктерді жол бойында қалдырады. Ал бұл қоғамдық көліктің қозғалысын біршама қиындатады.
Компания мен ведомствоның бірлескен жұмыс барысында 80 көлік иесімен түсіндірме жұмыстары жүргізілген. Ал 50 адамға әкімшілік хаттамалар толтырылып, сондай-ақ 30 автомашинадан мемлекеттік нөмірлері тәркіленді.
- Полиция департаменті қызметкерлерінің елордадағы қоғамдық көлік қозғалысының қауіпсіздігіне жәрдемдескені және бірлесіп атқарған жедел жұмысын атап өткіміз келеді. Автокөлік жүргізушілерін жол жүру ережелерін сақтауға және жол қозғалысының басқа қатысушыларына сыйластық танытуға шақырамыз, - делінген компания хабарламасында.