RUS
Кіші Талдыкөл Астанадағы жаңа Нұра ауданында орналасқан. Көлдің қалай пайда болғанына қатысты әртүрлі жауап бар. Бірі табиғи түрде пайда болды десе, бірі ағынды сулардың нәтижесі деп санайды. Көлде Қызыл кітапқа енген тіршілік мекен етуі, көктемде көлде фламинголардың қонақтауы ерекше құбылыс болған.
Талдыкөлге қатысты дау шамамен 2020 жылдары көтерілді. Маңында тұрғын үйлер көптен салынып, көлге қауіп төніп тұр деп біраз экологтар дабыл қаққан еді.
Десек те, көлдің болашағы экологтар мен табиғат қорғаушылары ойлағандай болмауы да мүмкін. “Астана Бас жоспары” ғылыми-жобалау жоспарлау институты” ЖШС-нің 2035 жылға дейінгі ұсынып отырған елорданың бас жоспарында Кіші және Үлкен Талдыкөлдің тағдыры көп ойлағандай аса қорқынышты емес.
- Бұған дейін тұрғындар Талдыкөлден шығатын иіс пен оған қатысты мәселелерді жиі көтерді. Бас жоспар бойынша екі көлді де толықтай тазартып, оны демалыс орындарына айналдыру көзделіп отыр. Онда үлкен табиғи эко-парк болады, - дейді «Астана Бас жоспар» ҒЗЖИ мамандандырылған шеберханасының жетекшісі Мәулет Әлибаев.
“Астана бас жоспары” ҒЖЖИ-ының мамандарының сөзіне сенсек, Талдыкөл астанамыздың көркін ашатын маңызды орындардың біріне айналмақ.