RUS
“Астана Бас жоспары” ғылыми-жобалау жоспарлау институтының ұйымдастырған қоғамдық талқылауында 2035 жылға дейінгі қала жоспары көрсетілді. Жоба бойынша аталған уақытқа дейін Астанада 164 жалпы білім беретін мектептер салынбақ.
Жобада көрсетілгендей қазіргі уақытта биыл мектептер саны 15-ке көбейіп, 2025 жылы бұл сан 74-ке артпақ. Оның ең көбі Алматы ауданында болса, одан кейін Нұра және Есіл аудандарында мектептер саны айтарлықтай көбейеді. Шамамен жалпы алғанда 128,6 мың білімпаз оқушылар білім алатын болады.
Елордадағы тұрғындар саны көп санап өсіп келе жатқаны жасырын емес. Мектептер 2035 жылға дейін 75-ке көбейіп, онда 111 мың бала білім алады деп жоспарланып отыр.
– Бүгінгі таңда қала аумағында 429 мектепке дейінгі балалар мекемесі жұмыс істейді. 2035 жылға бас жоспарда қосымша 178 балалар мекемесінің құрылысы көзделген. Сондай-ақ қазір қалада 39 Денсаулық сақтау нысаны жұмыс істейді. 2035 жылға қарай Бас жоспарда тағы 93 нысанның құрылысы көзделген. Бүгін бізде 11 өрт сөндіру депосы бар, 2035 жылға қарай тағы 17-ін салу жоспарлануда, - деп толықтырды “Астана Бас жоспары” ғылыми-жобалау жоспарлау институты” ЖШС директорының орынбасары Серік Әбдірахманов.