“Түкірігі бізге тиеді”: астаналық тұрғын жер үйдің жанына көпқабатты үйлерді салуға қарсы шықты

Алматы ауданының тұрғындарының бірі Нұрлан Алматы ауданында тұрады. Аудандағы Райымбек батыр көшесі бойындағы жер үйлердің біріндегі тұрғын мынадай сауал жолдады:

— 1-2 қабатты үйлеріміздің жанында 10-15 қабатты үйлерді салып жатыр. Бұлай жер үйлердің алдына не үшін архитекторлар көпқабатты үйлерді салып жатыр? Өз көздеріңізбен көрсеңіздер ғой. Кішкентай жекеменшік баспанамыздың жанында биік-биік үйлердің қалай көрінетінін. Жоғардағылар терезеден түкірсе, бізге тиеді, - дейді сауал қоюшы азамат.

Сондай-ақ оның айтуынша, мемлекеттен жерді алғанда жанында балабақша салынады деп айтқанын көрсетті. Десе де, 7-8 жыл өтсе де, көше бойында балабақша салына қоймаған.

— Бұл үйді сата да алмаймыз. Төбесінен ТҮК төніп тұрған үйді кім алғысы келеді? - деп қынжылды тұрғын.

Сұраққа қатысты жауабын берген “Астана Бас жоспары” ҒЖЖИ ЖШС директорының орынбасары Серік Әбдірахманов тұрғын үйді салатын компаниялар жауапты екенін жеткізді. Ал Алматы ауданы әкімінің орынбасары азаматқа көмек көрсететінін айтты.