RUS
«2035 жылға дейінгі Бас жоспарда қаланы жаңбыр суына арналған кәріз жүйесімен толық қамту көзделген. Ол үшін 2025 жылға дейін кәріз суын тазалайтын 7 нысан салу керек. 2035 жылға дейін тағы 7 нысан салу орынды. Қазір кәріз жүйелері арқылы жаңбыр суының тек 70 пайыз ғана ағады. Сондықтан алдағы екі жылда кәріз суын тазарту нысандарын салу керек. Бұл таяу арада болуы мүмкін мәселелерді толық шешеді. Ал болашақта қаланың әрі қарай дамитынын ескерсек, онда 2035 жылға дейін тағы 7 тазарту нысанын салу қажет болады», - деді Еркебұлан Файзуллаев.
Оның сөзінше, қазіргі кәріз жүйелері қазіргі заманғы нормативтік талаптарға жауап бермейді.
«Қазір қолданыстағы жаңыр суына арналған кәріз жүйелері кеңестік нормативтермен салынған, тисінше ескі. Кеше айлық нормадан артық жауын түсті. Бір сәтте көп көлемде су түскен соң кәріз жүйесінің оған қауқары жетпей қалды. Бұл әлемдік деңгейдегі климаттық өзгеріс салдарынан болып отыр. Тіпті Париж бен Нью-Йорк те су астында қалған», - деп мәлім етті Еркебұлан Файзуллаев.