RUS
Мемлекет басшысы Үкіметке қазақ-қырғыз шекарасындағы жағдайды екі ел арасында қалыптасқан серіктестік және бауырластық қарым-қатынас аясында реттеуді тапсырды. Бұл туралы Ақорда баспасөзі мәлімдеді.
Сондай-ақ тауарларды шекара арқылы заңсыз тасымалдауға жол бермеу үшін цифрландыру мен автоматтандыруды неғұрлым белсенді енгізу мәселесі бойынша қырғыз тарапымен келіссөздерді жалғастыру қажет екені атап өтілді.
Еске сала кетсек, Қырғыз шекарасында Қазақстанға өте алмаған көліктердің ұзақ-сонар кезегі бірнеше шақырымға созылған. Жолда қаңтарылған көлік жүргізушілерінің айтуынша, машина саны азаймаған. Қазақстан "ешқандай шектеу жоқ" десе, ал Қырғызстанның ресми тұлғалары көлік кептелісіне Астананы кінәлады.