RUS
Астанада джиу-джитсудан жасөспірімдер мен кадеттер арасындағы әлем чемпионатына 42 елден келген 1207 жас спортшы қатысты. Турнирде елімізден 200-ге жуық жас спортшы қатысқан.
Жеңімпаздарды марапаттау рәсіміне министр Асхат Оралов қатысқан. Қазақстан командасы әлем чемпионатында 13 алтын, 19 күміс және 37 қола медальмен үшінші жалпы командалық орынға ие болған.
- Бұл өте жақсы нәтиже, бұл біздің елімізде талантты және болашағы зор спортшылардың ұрпағы өсіп келе жатқанын көрсетеді. Ертең бұл балалар көптеген шыңдарды бағындыратынына сенімдімін, ал олардың жеңістерінің арқасында біздің Әнұран ірі халықаралық біріншіліктерде шырқалады, - деп жазды министр Telegram каналында.