RUS
Атырау облыстық перинаталдық орталығындағы патология бөлімшесіндегі тышқандар жүргені туралы хабар тарады. Бұл жағдайды перзентханадағы жүкті әйелдер хабарлаған.
Жағдайға қатысты Атырау облыстық перинаталдық орталығының баспасөз қызметі жауап қайтарды.
- Қазіргі кезде перзентхана қаладан алыс жерде орналасқан. Ғимарат жазық далада болғандықтан дала тышқандары бар. Алайда біз өз тарапымыздан дезинфекция жұмыстарын жиі жүргіземіз. Соған қарамастан тышқан шығып жүр. Алдағы күндері дезинфекция жұмыстары тағы да жүргізіледі. Қазіргі уақытта перинаталдық орталықтың бұрынғы ғимаратына күрделі жөндеу жұмыстары жүргізіліп жатыр. Жөндеу жұмыстары аяқталған соң қазан айында кері көшіріледі, - дейді орталық өкілдері.
Айта кетейік, Атырау облыстық перинаталдық орталығы 2022 жылғы қазан айынан бастап қала сыртына, коронавирус кезінде салынған модульдік ауруханаға көшірілген болатын.