RUS
Франция астанасының билігі бұл шешімді сәуірдегі дауыс беру нәтижелеріне сәйкес қабылдады. 1 қыркүйектен бастап Париж көшелерінен жеке компаниялар жалға ұсынатын электр самокаттар жойылады.
Шешім сәуір айында Франция астанасында өткен референдумнан кейін қабылданды.
Содан кейін қала тұрғындарының 90%-ы электр самокаттарға тыйым салуды қолдап, дауыс берген. Париж көшелерінде осы көлік құралдарының 15 мыңға жуығы жалға берілген еді. Тамыз айында олардың саны азая бастады.
«Біз өткен жексенбіде самокаттарымызды алып тастай бастадық. Олардың саны шамамен 5000 болды. Бірақ бірнеше мың велосипедіміз қалады. Біз күніне 400-ден 500-ге дейін скутерді кешкі оннан таңғы алтыға дейін алып кетіп жатырмыз. Осы үшін қызметкерлерді арнайы бөлдік», - деді Франциядағы Tier бөлімшесінің басшысы Клеман Петте.
Париж осындай қатаң шара қабылдаған алғашқы еуропалық қала болды.
Франция астанасының тұрғындары электр самокаттағы адамдар жаяу жүргіншілерге кедергі келтіретінін, апатты жағдайлар туғызатынын айтып, бірнеше рет шағымданды.
2022 жылы олардың салдарынан болған жол-көлік оқиғасынан 456 адам зардап шегіп, үшеуі қаза тапты.