RUS
Жүргізіліп жатқан тексеру іс-шаралары аясында Қостанай облысы бойынша мемлекеттік кірістер Департаменті Қостанай облысы бойынша Экономикалық тергеу департаментімен бірлесіп, темекі өнімдерін сәйкестендіру құралдарынсыз өткізудің 6 фактісін анықтады және жолын кесті.
- Рейдтік іс-шаралар барысында заңсыз темекі өнімдері: құны 30 млн. теңгеден асатын кальянға арналып оралған темекі қоспасы, 14 439 бірлік мөлшерінде шетелде өндірілген бөлшек саудаға арналған электрондық темекі тауары анықталды, - деп ведомстводан хабарлады. Өнім Қостанай қаласының аумағында сатылған.
Қаржы министрлігінің Мемлекеттік кірістер комитетінің хабарлауынша, бұзушылық жасағандарға ҚРӘҚБтК ҚРК 283 бабының 2 бөлігі бойынша жауапкершілік жүктеледі. Ең жоғары санкция құқық бұзушылықтың тікелей нысанасы болып табылған акцизделетін тауарларды тәркілей отырып, бес жүз айлық есептік көрсеткіш мөлшерінде айыппұл түрінде жазаны өтейді.
Қазақстан Республикасында енгізілген сәйкестендіру құралдарымен міндетті таңбалау тауарлардың қозғалысын бақылауды автоматтандыруға, сол арқылы олардың сапасы мен қауіпсіздігін растауға, сондай-ақ сатушылар арасында адал бәсекелестікті қамтамасыз етуге мүмкіндік береді.