RUS
️2021 жылдың қыркүйегінде Жаркент қаласы орта мектебі директорының бұйрығымен сотталушы А. мультимедиялық информатика кабинетінің зертханашысы ретінде жұмысқа қабылданған.
2021-2022 оқу жылында А. мектеп директорының нұсқауымен орта мектепте зертханашы бола жүре, қашықтықтан оқытуды қамтамасыз ету үшін орта мектептің оқытушылар құрамына портативті компьютерлер таратқан. Оқу жылын аяқтағаннан кейін барлық ноутбуктерді жинап, оларды мультимедиялық информатика кабинетінің қосалқы жайында сақтаған.
А. өз міндеттерін орындау барысында сеніп тапсырылған бөтен мүлікті ұрлауға, яғни орта мектептің қосалқы жайында сақталған ноутбуктерді мамандандырылған коммерциялық ұйымда кепілге беру қылмыстық ниеті пайда болған.
2022 жылдың сәуірінен бастап А. өз атынан портативті компьютерлерді ломбардқа кепілдікке берген, алған ақшаны өз қалауы бойынша жұмсаған.
Зертханашының қылмыстық әрекетінің нәтижесінде Жаркент қаласының орта мектебіне жалпы сомасы 33 миллион теңгеден асатын аса ірі мөлшерде материалдық залал келтірілген.
Сот үкімімен сотталушы А.-ға 7 жыл мерзімге шартты түрде бас бостандығынан айыру түріндегі жаза тағайындалып, оқу орындарында материалдық жауапкершілікке байланысты лауазымдарды атқару құқығынан 7 жыл мерзімге айырылды.
Сот үкімі заңды күшіне енген.