RUS
Оның атап өтуінше, жыл басынан бері IKOMEK109-ға 1,5 млн-нан астам өтінім келіп, түсіп, оның 99 пайызы шешілген. Барлық өтінімнің 81 пайызына қоңырау түскен сәттен-ақ кеңес берілген. Ал қалған өтінімдердің 19 пайызы оқиға ретінде тіркеледі.
«IKOMEK109-ға келіп түскен сұрақтардың бәрін қызметкерлеріміз бен әкімдіктің басқармаларын барынша жедел шешеді. Сонымен қатар бізде Мониторинг және жедел әрекет ету департаменті бар. IKOMEK109-ға шамамен 10 мың бейнекамера қосылған. Жыл басынан 12 мыңнан аста әкімшілік құқық бұзушылықты тіркедік. 37 млн теңгеден астам айыппұл салынды», - деді ол Астана қалалық коммуникациялар қызметіндегі брифингте.
Оның айтуынша, Мемлекет басшысының мемлекеттік органдардың қызметінде бюрократияны жою және жобалық басқару құралдарын пайдалану жөніндегі тапсырмаларын орындау мақсатында «iKOMEK» орталығы аясында Астана қаласы әкімдігінің Жоба кеңсесі жұмыс жасайды. Бұл ретте кеңсе қаланы дамыту бағдарламасы шеңберінде жобалық қызметтің барлық қатысушыларының тиімді өзара іс-қимылын және үйлестіруін қамтамасыз етеді. Бүгінгі таңда жобалық кеңсенің негізгі міндеттерінің бірі – жобаларды басқару процесін оңтайландыру және іске асырылып жатқан жобаларды цифрландыру. Осы міндет аясында «Астана қаласы әкімдігінің жобалық кеңсесі» платформасында ағымдағы уақытта әкімдіктің құрылымдық бөлімшелері іске асыратын 189 бюджеттік инвестициялық жоба цифрландырылды. Бұл жұмыс іске асыру кезеңдерін, негізгі жұмыстарды, орындалу мерзімдерін және жобалардың бюджетін бақылауға мүмкіндік береді.