RUS
Жөндеу жұмыстары бекітілген кестеге сәйкес жүргізіліп жатыр. №11, №12, №13, №14, № 15 қазандық агрегаттарында қазандықтардың, оттықтар мен құбырлардың, экрандық панельдердің, шаң құбырларының және т.б. жақтауларын монтаждау және құрастыру жұмыстары жүргізілуде.
4 жылу магистралін қайта құру жұмыстары аяқталуға жақын, жұмыстар 95 % орындалды. Соңғы кезеңде сильфонды компенсаторлық құрылғылар мен бекіту арматуралары, сондай-ақ, жылу камералары орнатылады. Бұл жұмыстарды 20 қыркүйекке дейін аяқтау жоспарлануда.
Көпқабатты 690 тұрғын үйдің 664-і дайындық актілерін алды. Олардың жылу тораптары мен ішкі жүйелері жуылды және нығыздау жұмыстары орындалды. Қалған үйлер бойынша жұмыстар жалғасуда және 18 қыркүйекке дейін аяқталады.
Облыс әкімі жұмыстардың барлық бағыттары бойынша үйлескен іс-қимылдардың маңыздылығын атап өтіп, жұмыс қарқыны мен олардың сапасын төмендетпеуді тапсырды.
- Екібастұздықтар уақытында жылу алуы керек, - дейді Асайын Байханов.