RUS
Ақтөбе қаласы №2 сотының баспасөз қызметінің дерегінше, оңай табыс табу жолын іздеп жүрген 3 жұмыссыз жас жігіт Telegram мессенджері арқылы қарт адамдарды туыстары көлік апатын жасап, қылмыстық қудалауға ұшырауы мүмкін деп алдау арқылы ақша қаражаттарын алуға куратордан тапсырма қабылдаумен айналысқан.
Сотталушылар өздерін полиция қызметкері деп таныстырып, 5 зейнеткердің сеніміне кіріп, әр түрлі соммадағы қаражатты алған. Жиналған қаражаттың 10% өздеріне қалдырып, қалғанын куратордың есеп шотына аударып отырған.
- Сот отырысында сотталушылар кінәсін толық мойындап, келтірілген шығындардын барлығы толық өтелгенін, жәбірленушілерден кешірім сұрайтынын, жасаған әрекеттеріне өкінетіндерін жеткізді. Бұрын сотталмағандандарын ескеріп, бас бостандығынан айырмауды сұрады. Сот қылмыстық жауаптылық пен жазаны жеңілдететін жағдайларды, ауырлататын мән-жайлардың жоқтығын және жәбірленушілердің пікірін ескере отырып, сотталушыларға пробациялық бақылаумен бас бостандығын шектеу түріндегі жаза олардың түзелуіне жеткілікті деген тұжырымға келді, - делінген хабарламада.
Соттың үкімімен сотталушылар алаяқтық жасағаны үшін кінәлі деп танылып, бас бостандығынан әр түрлі мерзімге шектелді.
Үкім заңды күшіне енгебен.