RUS
Павлодар облыстық сотының баспасөз қызметінің дерегінше, 2023 жылғы 06 қыркүйекте Павлодар облыстық сотының қылмыстық істер жөніндегі сот алқасы сотталған Ы.-ның Тереңкөл аудандық сотының үкіміне ұрлық фактісі, яғни үй-жайға бірнеше рет кіру арқылы бөтеннің мүлкін жасырын жымқыру (ҚР ҚК 188-б. 3-б. 2,3-т.), сонымен қатар ұсақ-түйек жымқыру, яғни болмашы мөлшерде жасалған, бөтеннің мүлкін ұрлау (ҚР ҚК 187-б. 1-б.) фактісі бойынша апелляциялық шағымын қарады.
Сотталушы Ы. 2023 жылдың ақпан-мамыр айлары аралығында мешіттерден садақа болып табылатын ақшалай қаражатты бірнеше рет ұрлаған және ұсақ-түйек жымқыру әрекеттерін жасаған.
Ы.-ға қылмыстар мен үкімдердің жиынтығы бойынша жазаны қылмыстық-атқару жүйесінің орташа қауіпсіз мекемесінде өтеумен 3 жыл бас бостандығынан айыру жазасы тағайындалды.
Апелляциялық шағымда сотталған Ы. жазасын жеңілдетіп, бас бостандығынан айырмауды сұрады.
Прокурор мен жәбірленушілердің өкілдері 2023 жылғы 28 шілдедегі үкімді өзгеріссіз, апелляциялық шағымды қанағаттандырусыз қалдыруды сұрады.
Ы.-ның кінәсі оның мойындауымен және құжаттық дәлелдермен дәлелденді.
Үкім прокурор қолдаған айыптау аясында заңды және негізді түрде шығарылды.
Павлодар облыстық сотының қылмыстық істер жөніндегі сот алқасымен Тереңкөл аудандық сотының Ы.-ға қатысты 2023 жылғы 28 шілдедегі үкімі өзгеріссіз, сотталушының апелляциялық шағымы қанағаттандырусыз қалдырылды.