RUS
Жетісу облысының Талдықорған әкімшілік құқық бұзушылықтар жөніндегі мамандандырылған ауданаралық сотының дерегінше, 2023 жылғы 5 тамызда Текелі қаласында қоғамдық көлік жүргізушісі жолаушы Е.-ден танысу үшін жол жүру билетін көрсетуін, не болмаса жол ақысын төлеуін сұраған, алайда Е. жауап ретінде, жүргізушіге былапыт сөйлеген. Аталған жағдай қоғамдық тәртіпті бұзуға және айналасындағыларға құрметсіздік білдіруге және жүргізушіні қоғамдық көлікті басқару барысында алаңдатушылыққа әкелген.
Сотта Е. әкімшілік құқық бұзушылық жасағанынын мойындады.
Жәбірленуші орын алған жайтты растап, Е.-ні әкімшілік жауапкершілікке тартуды сұраған.
- Әкімшілік жаза шарасын айқындау кезінде сот ауырлататын мән-жайлардың жоқтығын, сондай-ақ Е.-нің асырауында кәмелетке толмаған 5 баласының бар екендігін назарға алды. Жоғарыда аталған мән-жайларды назарға ала отырып, сот Қазақстан Республикасы ӘҚБтК-ның 829-11-бабының 2-бөлігіне сәйкес салынатын айыппұл мөлшерін 30 пайызға қысқартуды мүмкін деп тапты, - делінген хабарламада.
Сот шешімі бойынша сот қаулысымен Е. әкімшілік құқық бұзушылық жасағаны үшін кінәлі деп танылып, 48 мың теңге көлемінде әкімшілік айыппұл салынды.