RUS
Президент Қасым-Жомарт Тоқаев Instagram парақшасында Қазақстан ұлттық құрамасының жеңісіне арнап жазба жариялады.
“Ұлттық құраманың Солтүстік Ирландияның үздік командасына қарсы ойынын тамашаладым. Ойын өте қызықты әрі тартысты өтті. Қазақ футболшылары қарсылас командаға төтеп беріп, 1:0 есебімен лайықты жеңіске қол жеткізді. Қазақстан ұлттық құрамасы және олардың мыңдаған жанкүйерлері үшін қуаныштымын”, – деді ел басшысы.
Сондай-ақ "Астана жастары" мен басқа да ұйым еріктілеріне алғыс білдірді..
“Еріктілер ойыннан соң стадионда қалып, трибунадағы қоқысты жинап шықты. Футболшыларымыз бен жастарымызды мақтан тұтамын”, – деп жазды Тоқаев.