RUS
Баласын мұндай жағдайда көрген анасы жедел жәрдем шақырған.
Алматы облысы Талғар ауданының полиция бөлімі кәмелетке толмаған баланың үйінде 10 шақты “Ацетилсалицил қышқылын" ішкенін растады.
"11 қыркүйекте Б есімді азаматша Талғар аудандық полиция басқармасына өзінің кәмелетке толмаған 2013 жылы туған ұлының дәрі ішіп, уланғаны туралы арызданған. Аталған факт Талғар аудандық полиция бөлімінде ҚР ҚК 105-бабы 3-бөлігі бойынша тіркелді. Қазіргі уақытта істің мән-жайын толық, жан-жақты және объективті зерделеу үшін сараптама тағайындай отырып, барлық қажетті жедел-іздестіру шаралары жүргізілуде. Осы жұмыстардың нәтижелері бойынша түпкілікті процессуалдық шешім қабылданатын болады", - деді Талғар аудандық полиция басқармасының өкілдері.
Желіде баланың әжесінің видеосы тарады. Оның сөзінше, немересін мектеп әжетханасында әлдекімдер қорлағанын. Шашын қырқып, көйлегін жыртқан көрінеді.
Бұған дейін Қазақстанда балаларды зорлық-зомбылық пен суицидтен қорғаудың кешенді жоспары қабылданғаны хабарланған болатын. Құжатта қазақстандық балалардың құқықтары мен мүдделерін қорғау, оларды зорлық-зомбылықтан қорғау, суицидтің алдын алу мемлекеттік саясаттың басым бағыттары екені айтылған.