RUS
«Елорданың жаңа бас жоспарындағы болжамға сай, 2035 жылға қарай Астана қаласының халқы шамамен 2,3 млн адамға жетеді. Бұл өз кезегінде дереу шешуді қажет ететін тың талаптар қояды. Тұрғын үйге деген жоғары сұраныстың жоғары болуы себебінен баспана құрылысының қарқыны жоғары. Тиісінше ол инженерлік коммуникацияға айтарлықтай жүк түсіреді. Сонымен қатар, жыл сайын бой көтеріп жатқан 3 млн шаршы метр тұрғын үйге инженерлік инфрақұрылым салу үшін 200 млрд теңгеден астам қаражат бөлу керек», - делінген құжатта.
Сондықтан бұл түйткілді шешу үшін алдағы 3-5 жылда салынатын тұрғын үй көлемін инженерлік-коммуникациялық инфрақұрылымның қауқарына қарай икемдеу ұсынылады.
Атап айтқанда, жыл сайын салынатын баспана көлемін 3 млн-нан 1,5 млн шаршы метрге дейін қысқарту көзделіп отыр.
«Инженерлік-коммуникациялық инфрақұрылым жобаларын іске асырудың аяқталуына қарай, яғни 2025-2028 жылдары ғана тұрғын үй құрылысының қарқынын ұлғайтуға болады», - делінген Астананың тұрғын үй қорын реновациялау және модернизациялау бағдарламасында.