Жуалы ауданында әйеліне былапыт сөз айтқан еркек қамауға алынды
Жуалы аудандық сотымен ӘҚБтК-нің 669-б. 2-б. (құқық бұзушының мінез-құлқына сот белгілеген ерекше талаптарды бұзу) бойынша С.-ға қатысты әкімшілік іс қаралды.
Жуалы аудандық сотының баспасөз қызметінің дерегінше, 2023 жылдың шілде айында соттың шешімімен азамат С. мас күйінде әйеліне сыйламаушылық көрсеткені және былапыт сөйлегені үшін С. ӘҚБтК-нің 73-б. 1-б. бойынша 3 тәулікке әкімшілік қамаққа алынған.
Әкімшілік құқық бұзушылық туралы істі қарау барысында сотпен, құқық бұзушыға алкогольдік ішімдік ішуге тыйым салу туралы мінез-құлқына ерекше талаптар қойылған. Алайда С. 2023 жылы қыркүйек айында алкогольдік масаң күйде көшеде жүргені анықталған.
Cот отырысында құқық бұзушы өз кінәсін толық мойындаған.
Сот қаулысымен айыпталушы 2 тәулікке әкімшілік қамаққа алу түріндегі әкімшілік жаза тағайындалған.