Атырауда баланы әкесінің бауыры зорлаған боп шықты
Атырау тұрғыны екі баласына ата-аналық құқығы үшін күресуде. Екі баласының бірін өз растауынша күйеуінің бауыры зорлаған. Бұл туралы smartnews.kz сайты azh.kz газетіне сілтеме жасай отыра хабарлайды.
Атырауда 7 жасар баланы зорлау оқиғасы былтыр жаңалықтарда айтылған болатын. Зорлық-зомбылық құрбандарын қолдайтын «НеМолчи.kz» қоғамдық қорының жетекшісі Дина Тәңсәрі бұл туралы Facebook парақшасында айтқан. Бұл жаңалықпен жергілікті атыраулық БАҚ пен блогерлер де егжей-тегжейсіз бөлісті.
Алайда, бірнеше ай қаралған соң қылмыстық іс жабылған. Полиция департаменті нақтылағандай, «жәбірленушінің уәждері расталмаған». Оның үстіне, анасы енді зорлаушының жазалануы үшін емес, балаларына қамқорлық жасау үшін күресуге мәжбүр.
- Күйеуім деп айтуға аузым бармайды, жолдасым сол күні мені қатты ұрып-соқты. Менің сөздерімді бүкіл отбасына көрсеткен қорлық деп санады. Содан бері күнде жанжал, күнде ұрып-соғатын болды, үнемі көгала болып жүрдім. Үйдегілердің бәрі ренжулі болды, тіпті жақсы қарым-қатынаста болған қайын енем де маған тіл тигізе бастады, - дейді баланың анасы.