RUS
КТК дерегінше, Алматы облысы Нарынқол ауылында «Subaru» көлігін тізгіндеген 15 жасар жасөспірім алты баланы қағып кеткен.
15 жасар бала «Subaru» маркалы көлік құралының рульін басқара алмай, тротуарға шығып, жаяу жүргіншілерді қағып кеткен. Салдарынан 2008 жылы туған кәмелетке толмаған 6 бала зардап шегіп, оның бесеуі әртүрлі дене жарақатымен ауруханаға жатқызылған.
«Аталған дерек ҚР Қылмыстық кодекстің 345-бабы 2-бөлігі бойынша полицияда тіркелді. Қазіргі таңда сараптама тағайындалып, тергеу шаралары жүріп жатыр», – деп мәлімдеді облыстық полиция департаментінің баспасөз қызметі.
Белгілі болғандай жасөспірім ағасының көлігін рұқсатсыз айдап, дүкенге шығып кеткен.