Шавкат Мирзияев азан дауысын қатты шығаруға тыйым салуы мүмкін

9 қыркүйекте Өзбекстан мүфтиі діни киім киіп, сақал қоюда әсірешілдіктен аулақ болуға шақырған.

— Дінде бірдей киініп жүру керек деген пікір қалыптасты. Пайғамбарымыз қалдырған ереже бар. Исламда белгілі бір форма жоқ. Бұл — бір халықтың діні емес, — дейді мүфти Нұриддин Халықназаров.

Азаттық дерегінше, азан дауысы бәсеңдеген. Тілшілер Ташкенттің бір ауданындағы мешітке барып, бұл өзгерістің растығына көз жеткізгенін жазады. Енді елдің кей бөліктерінде намаз оқуға шақыратын азан дауысы бұрынғыдан бәсеңдеуі мүмкін.

Ал Мүфтият өкілі “Бұл ақпарат шындыққа жанаспайды” деп отыр.