Тоқаев: “Қазақстан - антиресейлік ел емес”

Тоқаев Германияға ресми іасапармен барып, федералдық канцлер Олаф Шольцпен келіссөз жүргізді.

Германия және Орталық Азия елдері басшыларының кездесуіне қатысып, Ақорданың Ресейге салынған санкциялар мен Украинаға қатысты ұстанымын білдірді. 

«Қазақстан соғыс қимылдарын тез арада тоқтатуды қолдайды. Ресей жағы да, Украина жағы да келіссөздерге дайынбыз деп мәлімдеді, бірақ келіссөздер платформасы өте түсініксіз. Дипломатияның дәуірі келді. Өзара айыптауларды тоқтату керек», – деді Тоқаев.

Сондай-ақ, ол Қазақстанның Ресейге қарсы санкцияларды сақтауы туралы сұрақтарға жауап берді.

«Қазақстан санкциялық режимді ұстанатынын нақты мәлімдеген. Санкциялық режимді сақтау үшін тиісті ұйымдармен байланыстар бар», - деді ол.