RUS
2023 жылдың басындағы жағдай бойынша 60 және одан жоғары жас тобындағы халық саны 2 616 515 адамды (елдің жалпы санының 13,2%) құрады, оның ішінде 1 031 051 адам (39,4%) – ерлер және 1 585 064 адам (60,6%) – әйелдер.
Егде жастағы халықтың ең көп саны Алматы қаласы – 288 922 адам, Қарағанды – 200 186 адам, Түркістан – 190 160 адам және Алматы облыстарында – 177 685 адам.
2022 жылғы 60 және одан жоғары жастағы жұмыспен қамтылған халық саны 308,3 мың адамды құрады, оның 63,4%-ы ерлер және 36,6%-ы әйелдер. 2021 жылмен салыстырғанда 60-64 жас аралығындағы жұмыспен қамтылған халық саны 4,6% азайған, бұл ретте айтарлықтай төмендеуді осы жас тобындағы әйелдерге тиесілі – 16,1%-ға.
2021 жылмен салыстырғанда былтыр зейнетақы мен мемлекеттік жәрдемақы алушылар саны 2,8% артқан.
2021 жылмен салыстырғанда 60 жастан жоғары азаматтарға тағайындалған айлық зейнетақының орташа мөлшері 2022 жылы 9,7% артты.
2022-2023 оқу жылының басында 63 және одан жоғары жастағы және жоғары оқү орындарынан кейінгі білім беру ұйымдарындағы ерлер саны 2 887 адамды, 60 жастан асқан әйелдерде саны – 4 189 адамды құрады. Оның ішінде магистр академиялық дәрежесі бар 322 адам, философия докторы – 132 адам, бейіні бойынша доктор – 145 адам, ғылым докторы – 1 512 адам, ғылым кандидаты – 3 336 адам, профессор – 1 238 адам және доцент – 1 986 адам.