Оралда көлік ағашқа соғылып, 2 адам қаза тапты

"30.09.23 сағат 00:20 шамасында Орал қаласында, Деркөл кентінде, Даль көшесі, 9 үйдің жанында, 1994 жылы туған “Мерседес бенц” автокөлігінің жүргізушісі батыс бағытта қозғалыс барысында рульді басқара алмай, жол бойында өсіп тұрған ағашпен соқтығысуға жол берді.
Жол - көлік оқиғасы салдарынан жүргізуші мен 1965 жылы туған жолаушы алған жарақаттарынан сол жерде қайтыс болды.
1990 жылы туған тағы бір жолаушы облыстық ауруханаға тексеруге жеткізілді. Көлік құралы арнайы тұраққа қамалды.
Осы дерек бойынша ҚР ҚК 345-бабы 4-бөлігі бойынша сотқа дейінгі тергеу амалдары басталды.
Жол-көлік оқиғасының мән-жайы анықталуда", – деп хабарлады ведомство.