RUS
Куәгерлердің айтуынша, оқушы қыз кіре берісте орналасқан алаңқайдың балконынан секіріп кеткен. Оқиғаны тұрғындар смартфон камераларына түсіріп алған.
"Мен осы блокта, қарама-қарсы жақта тұрамын. Болған оқиғаны өз көзіммен көрдім. Ата-аналар жүгіріп келді, тіпті футбол алаңындағы балалар да көрді. Шынымды айтсам, олар ашық па, жоқ па білмеймін, бірақ беті тілінгенін байқадым", - деді тұрғын.
Қыз құлап түскеннен кейін тұрғындар бірден ата-анасын іздей бастады. Олар жарты сағаттан кейін ғана келді.
"Мен осы подьезде тұрамын. Сағат жетіден кейін дүкеннен үйге келе жатыр едім алдымнан бір топ адам мен жерде жатқан мәйітті байқадым. Жедел жәрдем: "Бәрі бітті" деп айтым жатты. Өлімге әкелетін нәтиже бар екен. Артынша полицейлер келіп, аумақты қоршап, жұмысқа кірісті", - деді тұрғын.
Полиция оқиға орнында кешкі сағат 10-ға дейін болды. Содан кейін ғана оқушы қыздың денесін алып кетті.
"Тұран даңғылындағы тұрғын үй кешенінің балконынан құлау салдарынан ҚР Қылмыстық кодексінің 150-бабына сәйкес сотқа дейінгі тергеу амалдары жүргізілуде. Қазақстан Республикасы Қылмыстық-процестік кодексінің 201-бабы негізінде тергеп-тексеру мүддесі үшін сотқа дейінгі тергеп-тексерудің өзге де деректері жария етілуге жатпайды", - деді Астана қаласы жол полициясы басқармасының бастығы Гүлмира Шрахметова.
Қыз білім алған орта білім беру мекемесінің директоры оқушының үздік оқығанын айтты.
"Оқиға туралы ішкі істер органдарынан ақпарат алдық. Осыдан кейін біз дереу кеңсеге барып, мектептен қажетті ақпаратты бердік. Қазір тергеу жүріп жатыр. Сондықтан біз ешқандай қосымша ақпаратты аша алмаймыз", - деді мектеп директоры Әсел Бейсембинова.
Оқушы қыздың балконға шығып, өз өзіне қол жұмсауына не түрткі болғаны әзірге белгісіз. Тергеу жалғасуда, оқиғаның куәгерлері мен мектеп басшылығының ешбір болжамы жоқ. Алайда, көршілерінің айтуынша, қыздың жанында телефоны болған, ол жерге өзінің өліміне ешкімді кінәламауды өтініп хабарлама қалдырған.