RUS
Саясат Нұрбек шара барысында педагогтерді кәсіби мерекесімен құттықтады.
Неге Nobel Fest Қазақстан және министрлік үшін маңызды? Қазір дүние жүзінде ғылымға, білімге деген көзқарас өзгерді. Үлкен ғылыми технологиялық революцияның алдында тұрмыз. Былтыр қарашада білім, технология, инновация саласында қызық жаңалықтар шықты. Кіп-кішкентай компания ChatGPT жасанды интеллект алгоритмін шығарды. Бірден үлкен бәсеке басталды. Осы жылда 10 жылдай жиналған жетістіктің арқасында революция басталды. Алпауыт компаниялар бір сәтте «біздің жасап жатқан үрдісімізді қалай төңкеріп тастады?» деген сұрақ қойды, - деді Саясат Нұрбек.
Екінші жаңалық – АҚШ-тың энергетика министрі Ливермор ұлттық зертхананың негізінде термоядролық реакцияның жүзеге асырғанын хабарлады. Қытайдың үкіметі бірден 2028 жылы термоядролық реакцияны іске қосамыз деп хабарлады.
Өте қызық, түбегейлі энергетикалық революцияның алдында тұрмыз, - деді министр.
Nobel Fest - халықаралық EDTECH платформасы. Фестивальдің басты мақсаты - қазақстандықтарды білім, ғылым және инновацияға ынталандыру. Nobel Fest жыл сайын 100 елден 500 000 қатысушы мен 500 университетті жинайды, бұл ұзақ мерзімді даму мен жақсы болашақты қалыптастырудағы жан-жақты білім берудің рөлі туралы идеяны таратады.